CANES Coronati

CANES Coronati

in Dianae festo, memorantur Statio, l. 3. Sylv. 1. v. 55.

Iamque dies aderat, profugis cum Regibus altum

Fumat Aricinum Triviae nemus, et face multâ

Consius Hippolyti splendet lacus: ipsa coronat

Emeritos Diana canes, et spicula tergit:

Et tutas sinit ire seras. ----

Quod ab Agonothetis traductum. Factum autem Idibus Augusti, unde mox Poeta,

---- ---- ---- omnisque pudicis

Itala terra focis, Hecateias excolit Idus.

Quo de festo vide Hadr. Turnebum, Adversarior. l. 7. c. 26. Revera autem coronati tum Canes, ut fostis aliis diebus Boves, de quo ritu pluribus egit Hadr. Behotius, Apophoret. l. 2. c. 2. De Equis et Asinis adnotavit Propertio, l. 3. Eleg. 1. Ioann. Passeratius. Sed et Canum hunc honorem Gratius quoque celebrat, v. 484.

Spicatusque saces sacrum ad nemorale Dianae

Sistimus, et solito catuli velantur honore.

Hoc est, coronantur. Quam canum redimitionem non intellexit, prorsus alio ista Papinii verba trahens, Car. Paschalius, Coronar. l. 1. c. 3. Hunc vero diem feriatum a venationibus, disces pluribus ex Turnebo, d. l. Vide Barthium, Animadvers. ad Statium, l. 1.